ازاي تعمل موقع ناجح من البداية للاحتراف - بطريقة بسيطه ومجربه (الجزء الأول)

ازاي تعمل موقع ناجح من البداية للاحتراف - بطريقة بسيطه ومجربه (الجزء الأول)


     مراحل لإطلاق موقع ناجح للمبتدئيين بمجال "seo"
    1- فكرة الموقع
    2- تجهيز وإعداد الموقع
    3- المحتوى
    4- الشغل الخارجى
    *المرحلة الاولى

    مرحلة ما قبل إطلاق الموقع "الفكرة"
    مجال السيو هو مجال فرعى من مجالات التسويق الإلكترونى اللى من خلاله بتقدر تسوق لمنتجك (الموقع) فى محركات البحث للجمهور اللى بيدور عليه.
    من منطلق المقولة اللى بتقول ما تدورش ع جمهور للمنتج بتاعك ولكن دور ع منتج تقدمه للجمهور ودى نفهم منها ان الخطوة الأساسية هى المنتج والقيمة اللى هاتقدمها وع أساسها الجمهور هايبحث عليك وهايجيلك.
    ايه اللى عندك واللى هاتقدر تقدمه للجمهور دا السؤال الأول اللى مفروض يكون ف بالك؟ هل متخصص ف مجال ما عندك فكرة عنه او تعرف تكتب فيه عندك خبرة ناتجه عن تجربه وعايز تفيد بها الناس.
    بداية موقع ف الفترة دى مختلف تماماً عن الفترات السابقة مع تطور محركات البحث وسعيها ف تقديم أفضل واحدث واقوى محتوى للباحث من هنا كان البقاء للأقوى وظهر الكثير من المواقع المتخصصه واللى بتقدم محتوى قوى ثبتوا وجودهم بيه ف محركات البحث وبالتالى كسب الجمهور.
    علشان تبدأ ف موقع قوى دائماً فكر ف التخصص اللى فيه تقدر تقدم الفائده بأعلى جوده ومنها تثبت نفسك وتحجز مكانك فى المجال اللى هاتشتغل علية.

    خلونا نبدأ مثال:
    انا كشخص محتاج ابدأ موقع ولنفترض ان مجالى او تخصصى حالياً "seo"
    اختارت المجال دا بناءاً ع معرفه او خبرة ناتجة عن تجربتى ف المواقع اللى اشتغلت عليها وبالتالى اكتسبت المعلومات اللى اقدر اقدم بيها فائده للناس ودى حاجه كويسه هتساعدنى اكثر انى انجح ف الموقع واستمر فيه.
    حالياً معايا الخبرة او المعلومة او القيمة اللى هاقدمها ف المجال محتاج اعرف الجمهور بتاعى فين ومحتاج اية علشان اقدمه لة.
    اية الكلمات اللى هاشتغل عليها او المواضيع اللى هاقدمها مين بينافسنى ع الكلمات دى قوة كل موقع منافس وازاى بحلله واعمل الخطة اللى هاشتغل عليها.
    الأدوات اللى محتاجها علشان اعرف معدل البحث عن الكلمات اللى هاشتغل عليها.
    اهم 3 ادوات نقدر من خلالهم نعرف عدد البحث الشهرى ع الكلمات اللى محتاجينها.
    - اداة google صورة 1
    https://goo.gl/EsZdfs
    - اداة webceo صورة 2
    https://goo.gl/v9kyGi
    - اداة kwfinder صور 3
    https://goo.gl/LqxJSB
    الكلمات قدامكم فى الصور حسب الترتيب ومعدل البحث لكل كلمة وطبعاً بإختلاف طريقة كل اداة ف نتائجها, جمعنا الكلمات اللى هانشتغل عليها ازاى بنحللها ودى بتكون بشكل يدوى او من خلال بعض الأدوات اللى هانستخدمها.
    ازاى نحلل الكلمات دى ونعرف قوة المنافسة عليها؟
    بالبحث ف جوجل عن كلمة سيو كمثال هانحلل المواقع اللى موجوده ف الصفحة الأولى من حيث
    - استخدام الكلمه ف عنوان الموقع , وجود الكلمه ف رابط الموقع , وجود الكلمة ف الوصف.
    - من خلال اداة moz كمثال الصورة رقم 4 الاثورتى والباك لينك لكل موقع
    حمل الإضافة لمتصفح كروم من هنا >>
    https://goo.gl/p7gW11
    - من خلال اداة ahrefs كمثال الصورة 5 عدد الباك لينك ع الدومين ككل والصفحة
    حمل الإضافة لمتصح كروم او فايرفوكس من هنا >>
    https://goo.gl/5pJxM2
    شوفنا المنافسين بشكل سريع هانبدأ نعرف اكثر عن كل منافس ونعرف نقاط القوة والضعف الموجوده ف كل موقع ونحلله بشكل اكبرمن حيث
    الموقع والمنصة المستخدمة والقالب تجاوبة وتناسقه والشكل العام للزائر
    من هنا تقدر تعرف سرعة كل موقع والأخطاء الموجودة فيه>>

    https://goo.gl/v4BCeU
    المحتوى اللى بيقدمة والفئة اللى بيتعامل معاها ومستهدفها ف التدوين
    اداة لمعرفة عدد الكلمات الموجودة ف المقال>>
    https://goo.gl/8ZUppE
    وجود الموقع ع السوشيال ميديا وتفاعل الجمهور معاه
    لمعرفة التفاعل ع موقع او صفحة وعدد السوشيال سيجنلز>>
    https://goo.gl/p13FW9
    الباك لينك لكل موقع والمواقع اللى بيحصل منها ع باك لينك من حيث قوتها وفعالتيها ودى هانعرفها من اداوات موقع moz , ahrefs اللى ذكرناهم سابقاً.
    الربح من انشاء موقع على الانترنت

    حددنا المجال جمعنا الكلمات اللى هانشتعل عليها عرفنا المنافسين ومحتواهم ومدى تفاعلهم ع السوشيال ميديا والباك لينك.
    لحد هنا هسأل نفسى هاقدر اكون موجود ف المنافسه واثبت نفسى لتعريف الجمهور بموقعى وكسب ثقتهم؟
    لو الإجابة اه هاتقدر ابدأ اشتغل واستمر وربنا مش هايضيع تعبك.
    شرح مبسط اتمنى يكون وافى وعجبكم
    دمتم بخير

    إرسال تعليق

    اعلان